TELUGU LANGUAGE DAY REPORT 2026

తెలుగు భాషా దినోత్సవ వేడుకల నివేదిక 2026

కార్యక్రమ వివరాలు

· కార్యక్రమం: తెలుగు భాషా దినోత్సవం (గిడుగు వేంకట రామమూర్తి జయంతి)

· తేదీ: 29-08-2026

· వేదిక: ప్రభుత్వ డిగ్రీ కళాశాల, కామవరపుకోట

· కన్వీనర్ / సమన్వయకర్త: డా. జి. శ్రీనివాస రావు, తెలుగు అధ్యాపకులు

· పాల్గొన్నవారు: కళాశాల అధ్యాపక మరియు అధ్యాపకేతర సిబ్బంది, విద్యార్థులు

కార్యక్రమ లక్ష్యాలు (Objectives)

· విద్యార్థులలో మాతృభాష పట్ల గౌరవం, ఆసక్తిని మరియు మమకారాన్ని పెంపొందించడం.

· వ్యవహారిక భాషా ఉద్యమ పితామహుడు గిడుగు వేంకట రామమూర్తి గారి సేవలను స్మరించుకోవడం.

· విద్యార్థులలో సృజనాత్మకత, విశ్లేషణాత్మక ఆలోచన మరియు భాషా నైపుణ్యాలను వెలికితీయడం.

· వివిధ పోటీల ద్వారా విద్యార్థుల వ్యక్తీకరణ సామర్థ్యాన్ని, సాధారణ పరిజ్ఞానాన్ని మెరుగుపరచడం.

కార్యక్రమ సారాంశం (Event Summary)

ప్రభుత్వ డిగ్రీ కళాశాల, కామవరపుకోటలో కళాశాల ప్రిన్సిపాల్ డాక్టర్ కె విజయబాబు గారి సూచనల మేరకు కళాశాల విద్య అకడమిక్ క్యాలెండర్ ప్రకారం తెలుగు శాఖ ఆధ్వర్యంలో తెలుగు భాషా దినోత్సవాన్ని అత్యంత ఘనంగా నిర్వహించారు. కార్యక్రమానికి తెలుగు అధ్యాపకులు డా. జి. శ్రీనివాస రావు గారు అధ్యక్షత వహించి, వ్యవహారిక భాషా వికాసానికి గిడుగు రామమూర్తి గారు చేసిన అమోఘమైన కృషిని, నేటి సమాజంలో మరియు నిత్య జీవితంలో మాతృభాష ప్రాధాన్యతను సవివరంగా వివరించారు.

ఈ కార్యక్రమంలో కళాశాల అధ్యాపక మరియు అధ్యాపకేతర సిబ్బంది విశేషంగా పాల్గొని తెలుగు భాషా ప్రాశస్త్యాన్ని, సంస్కృతీ సంప్రదాయాల పరిరక్షణలో మాతృభాష పాత్రను కొనియాడారు. అనంతరం విద్యార్థులు తెలుగు భాషా ప్రాముఖ్యతపై తమ ప్రసంగాలను వినిపించారు. ఈ సందర్భంగా నిర్వహించిన వ్యాసరచన, క్విజ్ మరియు పోస్టర్ ప్రజెంటేషన్ పోటీలలో ప్రతిభ కనబరిచిన విజేతలకు అధ్యాపక బృందం చేతుల మీదుగా బహుమతుల ప్రదానం జరిగింది.

పోటీల ఫలితాలు - విజేతల వివరాలు (Prize Winners)

పోటీ పేరు	బహుమతి	విజేత పేరు	తరగతి
వ్యాసరచన	మొదటి బహుమతి	కె. బేబీ	III బి.ఎస్సీ
వ్యాసరచన	రెండవ బహుమతి	ఎస్. పవిత్ర	III బి.కాం
క్విజ్	మొదటి బహుమతి	బి. సంజన పూజిత	III బి.కాం
క్విజ్	రెండవ బహుమతి	కె. బేబీ	III బి.ఎస్సీ
పోస్టర్ ప్రజెంటేషన్	మొదటి బహుమతి	కె. బేబీ	III బి.ఎస్సీ
పోస్టర్ ప్రజెంటేషన్	రెండవ బహుమతి	కె. స్వీటీ	III బి.ఎస్సీ